Le 21 avril 1563, les consuls, représentant les habitants d'Agel, reconnaissent les droits de Simon et Pierre de
Beauxhostes sur la seigneurie d'Agel, composée d'une partie achetée au roi, avec ses droits de justice, et d'une autre
partie comme conseigneurs (achetée en 1559).
L'an mil cinq cent soixante et troys et le vingt unieme jour d'avril, nostre souverain prince Charles, par la grace de Dieu, roy de France regnant,
au lieu d'Agel, et maison d'Estienne Aymon, en pres[ence] de moy notaire royal, et temoings souls nommés,
et par devant Monsieur Maistre Pierre Bardengon, docteur es droits, lieutenant général et principal en la viguerie de Carcassonne, et commissaire, par Monseigneur le trésorier de France en la province de Languedoc, en estre partie député,
present et assistant Monsieur Maistre Pierre Moret, docteur es droicts, procureur pour le roy en la sénéchausée de Carcassonne,
Establys en personne,
Bernard Matet, Vincent Cabanes, consuls,
Anthoine Cabane, Gérauld Merlan, Estienne Deymes, Jehan Hebrand, Jean Bath, Mathieu Cabot, Ramond Camplong, Valenty Botet, Michel Miquel, Pierre Magre et Ramond Vauher,
conseliers et habitants dudit Agel faisant la plus grande et saine partie des habitants dudit lieu
De mandement dudit seigneur commissaire appelez et convoqués.
Lesquels touts ensemble et chacun deulx, tant pour euls que leurs hoirs et successeur a l'advenir et touts aultres habitants du dit lieu,
ont recgonu, déclarer et advouer pour seigneurs directs et juridictionnels, avec toute juridiction haulte, moyenne et basse avec mere mixte et impair
dudict lieu d'Agel, Nobles Simon de Beauxhostes, conseiller du roy, notre sire, président en sa cour des aydes séant à Montpellier, et
Pierre de Beauxhostes, seigneur d'Aiguesvives, son frère, ici presens
comme ayant acquis par titre d'achapt du roy et commissaires dépputés à
vendre le domaine dudict seigneur et estants en son lieu et place, suivant ladicte acquisition,
Aussi ont recognu les dicts de Beaulxhostes estre conseigneurs directs par indivis avec ledict seigneur,
ey a cette cause auraient presté serment es mains dudict seigneur commissaire estre bons et loyaulx vassaulx et subjets et leurs payer les droits de
lods et ventes et aultres droits et debvoirs seigneuriaulx qui ont appartenu et appartiennent au roy et au dictz de Beaulxhostes.
Scavoir la moytié des dicts droits et debvoirs communément et par indivis comme estants au lieu et place du roy,
et de l'autre moytié comme perpetuels conseigneurs directs par indivis avec le dit seigneur et sans aucune juridiction, de toutz les droits
qui appartienent audit seigneur en toute la terre et juridiction d'Agel comme ayant acquis d'aultres que dud dit seigneur.
Et ont recogneu en oultre les dicts consuls manans et habitants, apartenir au dicts seigneurs de Beaulhostes, comme seigneur susdicts, les herbages
pasturages
vaccants, chasses, bois , garroulles, pesches et autres droits et debvoirs seigneuriaulx qui sont en tout ... et juridiction du dict Agel;
D.. lont promis par mesme serment que dessus tenir l'ung après l'autre la recognaissance et declaration ainsi que dessus faictes.
Lesdicts de Beaulhostes et procureur du roy ont acceptés et requis à moy dict notaire en retenir et desposer acte et instrument ce que ay
effect faict les an, jour, lieu, et regnant que dessus.
|